كيف تربى ابنك ؟؟؟؟؟؟؟؟؟؟؟؟؟

يالا نبدا بفضل الله وعونه المحاضرة الاولى



اول حاجه لازم نعرفها احنا ليه اخترنا التربيه ومش اى تربيه لا التربيه الاسلاميه وما الهدف حد يعرف
اقولكوا اولا التربيه الاسلاميه وده لانها السبيل الوحيد لتنشئة جيل صالح مثل الصحابه والصالحين
اما الهدف فهو عشان انقذ نفسى واولادى من النا لان الله تعالى قال ( يا ايها الذين امنوا قوا انفسكم واهليكم نارا وقودها الناس والحجارة ) والحاجه التانيه هو السعاده فى الدنيا بان اولادى صالحين وفى الاخرة بانهم يكونوا الولد الصالح اللى حيدعيلى ويكون فى ميزان حسناتى الحاجه الثالثه هى انى اتعلم ازاى اربى ابنى واعرف معنى التربيه الحقيقى مش مجرد كلمه .



تعالوا دلوقتى اقولكوا على بعض الايات والاحاديث التى تبين اهميه الاولاد والتربيه


قال الله تعالى( والذين جاهدوا فينا لنهدينهم سبلنا) والجهاد يكون فى الامور الصعبه على الانسان والتى لايعملها بسهوله وربايه الابناء من هذه الامور فاستشعرى كلما تعبتى ان الله تعالى طالما انك تحتسبين الاجر سوف يهديكى الى السبيل السوى السليم والذى من اجله تخف المتاعب وتتحل الصعاب .
كما قال تعالى ( يوصيكم اله فى اولادكم ..) انظرى لقد وصى الله بالابن قبل ان يوصى بالاب والام وذلك لخطورة المحافظه على هذا الابن ولان ان انت حافظت عليه وهو صغير فسوف يبرك وانت كبير .


فالاولاد بذرة ان اعتنيت برعايتها كبرت وترعرعت وجاءت لك بالثمرة التى تتمناها
ولازم تعرفى كويس جدا يا ماما ويا بابا ان اهم فترة فى حياتى انا ابنكوا هى الخمس سنوات الاولى والتى يغفل عنها الكثير من الاباء والامهات ونجد العبارات المشهورة ( ده عيل - لسه صغير - مش فاهم حاجه - متخديش على كلامه .......... وغيرها من العبارات الخطيرة التى توضح اد ايه احنا جهله .


والنبى صلى الله عليه وسلم قال ايه * الحديث اللى معظمنا عارفه ( كلكم راع وكلكم مسئول عن رعيته .......... الحديث )


تعرفى يعنى ايه مسئول دايما بنسمعها عن الموظف الكبير او بنسمعها ولا ندقق فى معاناها ومعناها فى الحديث
مسئول : اى واقف امام الله وسيسال وليس معناها الوظيفى الذى اعتدنا عليه فهل فكرتى انكِ ستسالى عن اولادك امام الله لما لم تهتمى بهم لم تعبتى وزهقتى وقلتى مفيش منهم فايده تعبونى زهقونى ارفونى ومثل هذه الالفاظ التى تضيع اجرنا امام الله اليست العبادات منها ماهو صعب على النفس وشاق ونجاهد انفسنا لعمله كذلك التربيه اعتبريها عبادة تقربك الى الله وتحملى اعباءها واحتسبى وكونى على يقين ان الله لن يضيعك او يحرمك الاجر



على فكرة قبل ما اكمل كلامى انا ام زى زيكو وحاسه بكل اللى بتعانوا منهم بس انا بصراحه بحب الاطفال اوى ودايما اقول لنفسى الله لو بنتى دى تطلع على خلق ودين وتكون صاحبتى اللى مش حتكسف احكيلها اى حاجه وابنى كمان يكون الراجل اللى اروح اخطبله كده وانا حاسه انى عندى راجل بمعنى الكلمه يعرف دينه ويتحمل مسئولياته واوقات كتير بكون متضايقه وخنوقه بس بفتكر الاجر عند الله وان الدنيا فانيه مهما طالت او قصرت.


وقد قال النبى صلى الله عليه وسلم ( كفى بالمرء اثما ان يضيع من يعول ) وقال ايضا ( اعدلوا بين اولادكم ) ..


انظرى كم الايات وغيرها الكثير الذى يوضح اهميه الابناء والعنايه بهم .
مطلوب منك تعرفى كويس هذه الادله وتتاملى معناها الهام وانكِ ستسالى امام الله وتستعدى ان تقدمى ابن سوى صالح تفخرى به وتقدميه لله عز وجل وانتى راضيه .

الموضوع منقووووووووووووول للامانه

شكراً على الموضوع وبارك الله فيك وننتظر منك المزيد من المشاركات.

الف الف شكر على مروركم